اسلام آباد(آئی این پی)عالمی مالیاتی ادارے (آئی ایم ایف) کے مطالبات پر عملدرآمد سے متعلق کام کرنے کی خاطر منی بجٹ جلد سے جلد لانے کیلیے آرڈیننس جاری کرنے کا فیصلہ کیا گیا۔ایک نجی ٹی وی کے مطابق ذرائع کا کہنا ہے کہ ایف بی آر 170 ارب روپے کے مزید ٹیکس لگانے کیلیے کام کر رہا ہے، مختلف اشیا پر جی ایس ٹی کی شرح 17 سے بڑھا کر 18 فیصد کرنے کی تجویز دی گئی۔نان فائلرز کی بینک ٹرانزیکشنز پر 0.6 فیصد ود ہولڈنگ ٹیکس عائد کرنے پر غور کیا جارہا ہے، سگریٹ، چینی اور انرجی ڈرنکس پر ٹیکس میں اضافے کا امکان ہے۔ذرائع کے مطابق گزشتہ سال سیلاب کے دوران بجلی بلوں پر دیا گیا ریلیف واپس لینے پر غور کیا جارہا ہے۔