اسلام آباد(این این آئی)سابق وزیر خزانہ و پاکستان تحریک انصاف کے سینیٹر شوکت ترین نے اپنے کرپشن کیسز کے حوالے سے لیفٹیننٹ جنرل (ر)فیض حمید سے سفارش کی تصدیق کرتے ہوئے کہاہے کہ جنرل(ر) فیض حمید نے کبھی نہیں کہا آپ کا یہ کیس ختم کرا دوں گا۔ایک انٹرویو میں شوکت ترین نے کہاکہ لیفٹیننٹ جنرل(ر)فیض حمید نے کبھی نہیں کہا آپ کا یہ کیس ختم کرا دوں گا، انہوں نے کبھی کسی کو یہ نہیں کہا کہ وہ جاکر ان کی طرف داری کرے۔انہوں نے کہاکہ ایک صحافی کے کالم میں جو ریمارکس ہیں، نہیں سمجھتا کہ باجوہ نے دئیے ہوں گے لیکن اگر دئیے ہیں تو انہوں نے یہ کوئی اچھی اور سوچ سمجھ کر بات نہیں کی۔خیال رہے کہ ایک صحافی نے اپنے کالم میں سابق آرمی چیف جنرل (ر)قمر جاوید باجوہ کے حوالے سے بتایا تھا کہ لیفٹیننٹ جنرل (ر)فیض حمید نے شوکت ترین کے نیب کیسز ختم کروائے۔