لاہور (مانیٹرنگ ڈیسک) عمران خان نے کہا کہ اسحاق ڈار نے ڈالر کم کرنے کی بڑھکیں ماریں، آئی ایم ایف کو دھمکیاں دیں پھر گھٹنے ٹیک دیے، مہنگائی پچاس سال کی بلند ترین سطح پر پہنچ چکی ہے، آگے چل کر مہنگائی میں مزید اضافہ ہو گا، اپنا پیسہ ملک سے باہر رکھ کر یہ لوگ بیرون ملک پاکستانیوں سے کہہ رہے ہیں خیرات دیں۔عمران خان نے اپنے خطاب میں کہا کہ اعظم سواتی نے امریکہ میں پٹرول پمپ پر جھاڑو دے کر پیسہ بنایا اور یہی پیسہ لے کر وہ پاکستان بھی آ گئے اور سینیٹر بن گئے اور ایک ٹوئٹ پر انہیں گرفتار کرکے تشدد کیا گیا اور وہ ٹوئٹ ایک سچا ٹوئٹ تھا۔