اسلام آباد (مانیٹرنگ ڈیسک)صوبہ پنجاب کی نگران حکومت نے ایڈووکیٹ جنرل پنجاب احمد اویس سمیت 97 لا افسران کو عہدوں سے فارغ کردیا گیا۔نجی ٹی وی جیو نیوز کے مطابق ایڈوکیٹ جنرل پنجاب سمیت دیگر لا افسران کو عہدوں سے ہٹانے کا نوٹیفکیشن جاری کردیا گیا ہے۔نوٹیفکیشن کے مطابق 32 ایڈیشنل اور 65 اسسٹنٹ ایڈووکیٹ جنرل کو عہدوں سے ہٹادیا گیا۔ایڈیشنل ایڈووکیٹ جنرل جواد یعقوب کو ایڈووکیٹ جنرل پنجاب کے امور دیکھنے کی ہدایت کی گئی ہے۔اس کے علاوہ حکومت نے 20 نئے ایڈیشنل ایڈووکیٹ جنرل اور 35 اسسٹنٹ ایڈوکیٹ جنرل پنجاب تعینات کیے ہیں۔