اسلام آباد(این این آئی)وفاقی کابینہ نے بڑا فیصلہ کرتے ہوئے توشہ خانہ کی تفصیلات پبلک کرنے کی منظوری دیدی ۔منگل کووزیراعظم شہباز شریف کی زیر صدارت وفاقی دارالحکومت میں کابینہ کا اجلاس ہوا جس میں4نکاتی ایجنڈے پر غور کیا گیا۔اجلاس میں کابینہ نے توشہ خانہ کے حوالے سے بین الوزارتی کمیٹی کی رپورٹ کا جائز ہ لیا، کابینہ ڈویژن نے توشہ خانہ کے حوالے سے نئی پالیسی پر بریفنگ دی۔اجلاس میں وزیر اعظم شہباز شریف نے معاون خصوصی فہد ہارون کو پبلک کمیونیکیشن اور ڈیجیٹل ریفارمز کا قلمدان سونپ دیا۔وزیر اعظم نے گزشتہ ہفتے فہد ہارون کو معاون خصوصی تعینات کیا تھا، معاون خصوصی فہد ہارون کے پاس کوئی قلمدان نہیں تھا۔