لاہور ( این این آئی) وفاقی تحقیقات ادارے (ایف آئی اے ) نے منی لانڈرنگ کیس میں پنجاب کی معروف سیاسی شخصیت کی مبینہ تیسری بیوی سائرہ انور کی پراپرٹیز اور گاڑیوں کی تفصیلات مانگ لیں ۔ اس ضمن میں ایف آئی اے نے مراسلہ ڈی جی ایکسائز کو بھجوا دیا ہے جس میں محکمہ ایکسائز سے سائرہ انور کی تمام جائیدادوں ،گاڑیوں کاریکارڈ مانگا گیا ہے ، ،سائرہ انورکے نام پراپرٹی،ٹرانسفر کی تاریخ ،نوعیت بھی بھجوائی جائیں۔تفصیلات کے لئے گوشوارہ بھی مراسلے کے ساتھ بھجوایا گیا۔ایف آئی اے کے مراسلے میں کہا گیا ہے کہ پراپرٹی موروثی ،خریدی گئی ،یا تحفہ کے طورپر دی گئی ،تفصیلات فراہم کی جائیں،بروقت تفصیلات فراہم نہ کی گئیں تو کارروائی کی جائے گی