اسلام آباد (این این آئی)بھارت نے اجمیر شریف حاضری کیلئے پاکستانی زائرین کو ویزے جاری کر دئیے۔ ترجمان کے مطابق 488 افراد کے پاسپورٹ بھجوائے گئے صرف 249 زائرین کو ویزے جاری کیے گئے۔ ترجمان مذہبی امور نے کہاکہ 238 زائرین اجمیر شریف حاضری سے محروم رہ گئے،زائرین کے دیکھ بھال کیلئے 6 آفیشلز میں سے صرف ایک کو ویزا جاری کیا گیا۔ ترجمان مذہبی امور کے مطابق اجمیر شریف کے تمام زائرین کو بذریعہ میسج اطلاع کر دی گئی۔ترجمان مذہبی امور نے بتایاکہ ویزا کے حامل زائرین کو لاہور پہنچنے کی ہدایت کر دی گئی،پاکستانی زائرین اجمیر شریف حاضری کیلئے منگل کے روز انڈیا روانہ ہونگے۔