اسلام آباد (این این آئی)چین کے ہیکسنگ گروپ نے پاکستان کے اعلیٰ برانڈز میں سے ایک بننے کے مقصد کے ساتھ اپنی شمسی توانائی کی مصنوعات کی موجودگی کو بڑھانے کیلئے پاکستانی فرم انووی ٹیکنالوجیز کے ساتھ ایک اسٹریٹجک ڈسٹری بیوشن معاہدے پر دستخط کیے ہیں۔گوادر پرو کے مطابق ہانگڑو میں قائم کمپنی کی طرف سے جاری کردہ ایک بیان میں بتایا گیا کہ یہ معاہدہ ہیکسنگ گروپ کے رکن لی ولیٹک(LIVOLTEK)کو ملک بھر میں اپنی تقسیم اور مصنوعات کی دستیابی کو بڑھانے کی اجازت دیگا۔ گوادر پرو کے مطابق معاہدے پر دستخط کی تقریب کراچی میں ذیشان میانور (سی ای او انووی ٹیکنالوجیز) اور جن ہونگ مینگ (جنرل منیجر پاکستان) کے درمیان ہوئی۔ کمپنی کی ویب سائٹ کے مطابق ہانگڑو لی ولیٹک پاور کمپنی لمیٹیڈ کا ایک دفتر پاکستان کے شہر لاہور میں ہے اس کے علاوہ کمپنی کئی ممالک میں موجود ہے۔