اسلام آباد (مانیٹرنگ ڈیسک )پاکستان کی ہاکی ٹیم کے غیر ملکی کوچ سیگفرائیڈ ایکمین کو 8 ماہ کی تاخیر کے بعد تنخواہ کی ادائیگی کردی گئی۔تفصیلات کے مطابق اپنے ایک انٹرویو میں گفتگو کرتے ہوئے پاکستانی ہاکی ٹیم کےغیر ملکی کوچ سیگفرائیڈ ایکمین کا کہنا تھا کہ مجھے 7ماہ سے تنخواہ نہیں ملی۔ لاہور نیوز کے مطابق میں مانتا ہوں کہ پاکستان ہاکی فیڈریشن سنگین مالی مسائل سے دوچار ہے، تاہم میں اچھے مستقبل کے لیے پرامید ہوں۔دوسری جانب پاکستان ہاکی فیڈریشن کے سیکرٹری حیدر حسین نے تصدیق کرتے ہوئے کہا ہے کہ ایکمین 8ماہ سے بغیر تنخواہ کام کر رہے تھے لیکن اب انہیں تنخواہ دے دی گئی ہے۔