اوکاڑہ (این این آئی)اوکاڑہ میں ہونے والے پاکستان تحریک انصاف کے اجلاس میں کارکن نے صمصام بخاری پر الزامات عائد کر دئیے۔پی ٹی آئی کارکن عامر منا نے اجلاس میں کہا کہ صمصام بخاری پی ٹی آئی اوکاڑہ کی اسٹیبلشمنٹ ہیں، ٹکٹ چھن جانے کے خوف سیکوئی رہنما صمصام بخاری کے خلاف بات نہیں کرتا۔عامر منا کے مطابق صمصام بخاری نے 38 سرکاری ملازمتیں لیں، اوکاڑہ ضلع کی تمام 13 قومی و صوبائی سیٹوں پر صمصام بخاری ہی الیکشن لڑ لیں۔پی ٹی آئی کارکن نے کہاکہ دھرنے، ریلیاں کارکن کرتے ہیں، سرکاری کمیٹیوں کی چیئرمین شپ اور ٹکٹ بڑی گاڑیوں والے لے جاتے ہیں۔صمصام بخاری نے اس حوالے سے کہا کہ میرے اوپر لگائے گئے الزامات بے بنیاد ہیں۔