بھوپال(این این آئی)بھارتی ریاست مدھیا پردیش میں ایک 32سالہ شخص شادی کی تقریب میں ڈھول کی تھاب پر رقص کرتے ہوئے دل کا دورہ پڑنے سے چل بسا۔ غیرملکی خبررساں ادارے کے مطابق بتایا جارہا ہے کہ مذکورہ واقعہ مدھیا پریش کے ریوا ڈسٹرکٹ میں پیش آیا۔ میڈیا رپورٹس کے مطابق مذکورہ شخص کو رقص کرتے ہوئے دل کا دورہ پڑا تھا۔ ابھے سچان نامی یہ شخص اتر پردیش کے ضلع کانپور کا رہائشی تھا جو ضلع ریوا شادی کی تقریب میں شریک ہونے کے لیے آیا تھا۔ بتایا جارہا ہے کہ سچان کو فوری طور پر اسپتال لے جایا گیا جہاں ڈاکٹرز نے انہیں مردہ قرار دیا۔