اسلام آباد(مانیٹرنگ ڈیسک )موٹی ویشنل سپیکر قاسم علی کچھ دنوں سے سوشل میڈیا پر ٹرولز کا نشانہ بنے ہوئے ہیں جبکہ اب ان کی فائونڈیشن کو بھی نشانہ بنا شروع کر دیا ہے ۔ تفصیلات کے مطابق سوشل میڈیا ٹرولز نے قاسم علی شاہ فاؤنڈیشن کو
نشانہ بنانا شروع کردیا ہے اور گوگل پر اسے انتہائی کم ریٹنگ سٹار دینا شروع کردیے ہیں جس کے باعث فائونڈیشن کی ریٹنگ گر کر ایک تک جا پہنچی ہے ۔ تازہ ترین ریویوز میں صارفین کی جانب سے ان کی فائونڈیشن کو نشانہ بنایا جارہا ہےایسا لگ رہا جیسے صارفین دانستہ طور پر ریٹنگ کرانے میں مصروف ہیں ۔قبل ازیں عمران خان نے جس موٹی ویشنل اسپیکر کو ملاقات کا وقت دیا اور الیکشن ٹکٹ دینے پر آمادگی بھی ظاہر کی اسی قاسم علی شاہ کو تحریک انصاف کے لیڈرز اور ٹرولز نے نشانے پر رکھ لیا۔پی ٹی آئی لیڈرز اور ٹرولرز کی جانب سے قاسم علی شاہ کو پہلے سوشل میڈیا پر ٹکٹ مانگنے اور سیاسی مخالفین کو معاف کرنے کا مشورہ دینے پر تنقید کا نشانہ بنایا گیا۔
