کراچی(این این آئی)ڈسٹرکٹ اینڈ سیشن کورٹ شرقی نے ویڈیو لیک کرنے الزام میں گرفتار دانیہ شاہ کی درخواست ضمانت مستردکردی ہے۔بدھ کو ڈسٹرکٹ اینڈ سیشن کورٹ شرقی نے مرحوم عامر لیاقت کی نازیبہ ویڈیو لیک کرنے الزام میں گرفتار دانیہ شاہ کی
درخواست ضمانت پر فیصلہ سنادیا۔ عدالت نے ملزمہ دانیہ کی درخواست ضمانت مسترد کردی۔ اس قبل جوڈیشل مجسٹریٹ شرقی نے بھی ملزمہ کی درخواست ضمانت مسترد کردی تھی۔ وکیل صفائی لیاقت علی گبول ایڈووکیٹ نے کہا کہ فیصلہ ہائیکورٹ میں چیلنج کریں گے۔ ایف آئی اے نے آج تک کوئی ثبوت تک پیش نہیں کیا۔ کیس میں اہم گواہ یوٹیوبرز یاسر شاہی کا گواہ تک ایف آئی اے نے قلمبند تک نہیں کیا۔گزشتہ سماعت پر تمام فریقین کے دلائل مکمل ہونے پر فیصلہ محفوظ کیا تھا۔ ملزمہ دانیہ شاہ عدالتی ریمانڈ پر جیل میں ہیں۔ دانیہ شاہ کی خلاف عامر لیاقت کی بیٹی کی مدعیت میں مقدمہ درج کیا گیا تھا۔
