حیدر آباد (این این آئی)ون ڈے کرکٹ میں ایک اور بھارتی بیٹر نے ڈبل سنچری جڑ دی۔بھارتی شہر حیدرآباد میں نیوزی لینڈ اور بھارت کے درمیان ہونے والے ون ڈے میچ میں بھارت نے پہلے کھیلتے ہوئے 8وکٹوں کے نقصان پر 349 رنز بنائے۔349 میں سے 208رنز بھارتی بیٹر شبھمن گِل نے بنائے، اوپنر شبھمن گِل 149 گیندوں پر 19چوکوں اور 9چھکوں کی مددسے 208رنز کی اننگز کھیلی۔خیال رہے کہ اس سے قبل جن کھلاڑیوں نے ون ڈے میچ میں ڈبل سنچری اسکور کی ان میں روہت شرما 264، مارٹن گپٹل 237 ناٹ آٹ، وریندر سہواگ 219، کرس گیل 215، فخر زمان 210 ناٹ آئوٹ، ایشان کشن 210، روہت شرما 209، روہت شرما 208 ناٹ آٹ، سچن ٹنڈولکر 200 ناٹ آئوٹ شامل ہیں۔شبھمن گل ڈبل سنچری کرنے والے بھارت کے پانچویں بیٹر ہیں،دنیا میں سب سے زیادہ 3 بار ڈبل سنچری کرنے والے کھلاڑی بھارت کے روہت شرما ہیں۔