راولپنڈی (این این آئی)پاک ایران سرحد پر دہشتگردوں نے سیکورٹی فورسز کے قافلے پر حملہ کر کے چار اہلکاروں کو شہید کر دیا۔ آئی ایس پی آر کی طرف سے جاری کئے گئے بیان کے مطابق پاک ایران سرحد پر چوکاب سیکٹر ضلع پنجگور بلوچستان میں دہشتگردانہ حملے میں چار سکیورٹی اہلکار شہید ہوگئے۔بیان کے مطابق دہشتگردوں نے سرحد کے قریب پٹرولنگ کر نے والے سکورٹی فورسز کے قافلے کو نشانہ بنانے کیلئے ایران کی سر زمین استعمال کی۔ایران سے کہاگیا ہے کہ وہ اپنی جانب دہشتگردوں کے خلاف کارروائی عمل میں لائے۔