اسلام آباد (این این آئی)صوبوں کے قیام کیلئے بنائی گئی کمیٹی کا ایک اجلاس بھی نہ ہو سکا ، پنجاب اسمبلی کے تحلیل ہونے کے بعد سرائیکی صوبے کا قیام ایک بار پھر کھٹائی میں پڑ گیا۔ تفصیلات کے مطابق اسپیکر قومی اسمبلی راجہ پرویز اشرف نے یکم 2022 دسمبر کو نئے صوبوں کے قیام کے لیے خصوصی کمیٹی تشکیل دی تھی،وفاقی وزیر سید خورشید شاہ کمیٹی کے سربراہ تھے،کمیٹی نے 30 روز میں سفارشات پیش کرنی تھی،کمیٹی کو آرٹیکل 25بی،51، 63 بی،92 اور 106 میں ترمیمی بل کا جائزہ بھی لینا تھا،صوبوں کے قیام کیلئے بنائی گئی کمیٹی کا ایک اجلاس بھی نہ ہو سکا ،وزیر اعلیٰ پنجاب پرویز الٰہی نے پنجاب اسمبلی تحلیل کردی،پنجاب اسمبلی نے سرائیکی صوبے پر قانون سازی کر کے وفاق کو بل بھیجنا تھا،پنجاب اسمبلی کی تحلیل کے بعد سرائیکی صوبہ کا قیام ایک بار پھر کھٹائی میں پڑ گیا۔