اسلام آباد(این این آئی)فرانس ہائیڈرو پاور منصوبے کیلئے پاکستان کو 12 کروڑ یورو قرضہ دے گا جس کے لئے معاہدہ طے پاگیا ہے۔وزارت اقتصادی امور کے مطابق قرض معاہدے پر دستخط سیکرٹری اقتصادی امور اور فرانسیسی ترقیاتی ادارے کے کنٹری ڈائریکٹر نے کئے۔فرانس کی جانب سے فراہم کردہ 12 کروڑ یورو خیبرپختونخوا ہ میں 128 میگاواٹ کے ہائیڈرو منصوبے پر خرچ کئے جائیں گے۔حکام کے مطابق فرانس یہ قرض نرم شرائط پر فراہم کرے گا جس سے واپڈا کو بجلی کی پیداوار بہتر بنانے میں مدد ملے گی۔

موضوعات:فرانس