لاہور (مانیٹرنگ ڈیسک) مسلم لیگ (ق) کے جنرل سیکرٹری طارق بشیر چیمہ نے مونس الٰہی اور حسین الٰہی کو شوکاز نوٹس جاری کر دیا ہے، انہوں نے کامل علی آغا کو بھی شوکاز جاری کیا ہے، نجی ٹی وی کے مطابق نوٹس میں کہا گیا ہے کہ اگر آپ کسی دوسری جماعت میں جا رہے ہیں تو مستعفی ہو کر جائیں، نوٹس میں کہا گیا کہ یہ نشستیں اور عہدے آپ کے پاس پاکستان مسلم لیگ (ق) کی امانت ہیں اور آپ کا یہ اقدام غیر آئینی ہو گا، آپ میں سے کوئی بھی کسی اور سیاسی جماعت میں جانا چاہتا ہے تو پارٹی کی امانت واپس کرتے ہوئے قومی اسمبلی سے مستعفی ہوں اور سینٹ سے مستعفی ہوں، ورنہ ق لیگ ایسے تمام ارکان کو ڈی سیٹ کروانے کے لئے الیکشن کمیشن سے رابطہ کرے گی، ق لیگ نے جواب کے لئے سات دن کا وقت دے دیا۔