کراچی(این این آئی)اسٹیٹ بینک نے 5کمپنیوں کو ملک میں ڈیجیٹل بینکنگ کے اجازت نامے جاری کردیئے۔اسٹیٹ بینک آف پاکستان کی جانب سے ٹوئٹ میں کہا گیا ہے کہ مختلف کمپنیوں نے ملک میں ڈیجیٹل بینکنگ کے درخواستیں دی تھیں۔ جن میں سے 5 کمپنیوں کو این او سی جاری کردیے گئے ہیں۔مرکزی بینک کی جانب سے کہا گیا کہ پانچوں کمپنیوں کو اسٹیٹ بینک کے لائسنسنگ اور ریگولیٹری فریم ورک کے تحت اجازت نامے جاری کئے گئے ہیں۔جن 5 کمپنیوں کو اجازت نامے ملے ہیں ان میں ایزی پیسہ ڈی بی، ہوگو بینک،کے ٹی بینک، مشرق بینک اور رقمی شامل ہیں ۔ اجازت نامے حاصل کرنے والی 5 سے 2 کمپنیاں غیر ملکی ہیں۔