پشاور(این این آئی)خیبرپختونخوا حکومت نے نگران سیٹ کیلئے مختلف ناموں پر غور شروع کردیا۔خیبرپختونخوا کے وزیر برائے ہائر ایجوکیشن کامران بنگش نے کہا ہے کہ نگران سیٹ اپ کی تیاری کا کام شروع کردیا گیا ہے جس کیلئے حکومت اور اپوزیشن نے تین تین نام دینے ہیں، نگران سیٹ اپ کی تیاری صوبائی اسمبلی توڑنے کے پیش نظرکی جارہی ہے۔دوسری جانب ذرائع نے بتایا کہ کے پی حکومت اور اپوزیشن جماعتوں نے نگران سیٹ اپ کیلئے مختلف شخصیات سے رابطے تیز کردئیے ہیں، نگران سیٹ اپ کیلئے سابق پولیس افسران، ریٹائرڈ ججز اور ڈاکٹرز کے ناموں پر غور کیا گیا ہے ، وزیر اعلیٰ بھی سابق بیورو کریٹس و ٹیکنوکریٹس کے ناموں پر غور کررہے ہیں۔