بنگلادیش میں محمد رضوان کیلئے خصوصی ہیلی کاپٹر کا بندوبست کیوں ہوا؟وجہ سامنے آگئی

اسلام آباد (مانیٹرنگ ڈیسک )پاکستان کے وکٹ کیپر بیٹر گزشتہ روز پاک نیوزی لینڈ تیسرے ون ڈے کے اختتام کے فوری بعد بنگلادیش پریمیئر لیگ میں شرکت کیلئے ڈھاکا روانہ ہوگئے تھے۔نجی ٹی وی جیو کے مطابق بنگلادیش پریمیئر لیگ میں رضوان کومیلا وکٹوریئنز کی نمائندگی کر رہے ہیں جو پوائنٹس ٹیبل پر کافی نیچے ہے۔ہفتے کو کومیلا وکٹوریئنز اور فورچیون بریشان کے درمیان میچ تھا جس کیلئے محمد رضوان کو ہنگامی طور پر اسٹیڈیم پہنچایا گیا۔ فرنچائز نے محمد رضوان کو چٹوگرام کے ظہور چوہدری اسٹیڈیم پہنچانے کیلئے وی آئی پی ہیلی کاپٹر کا بندوبست کیا جس پر سوار ہوکر رضوان میچ سے ایک گھنٹے قبل اسٹیڈیم پہنچے۔بعد ازاں ہونے والے میچ میں کومیلا وکٹورینز کو 12 رنز سے شکست کا سامنا کرنا پڑا۔ میچ میں محمد رضوان 11 گیندوں پر 2 چھکوں کی مدد سے 18 رنز بنائے۔خیال رہے کہ کومیلا وکٹورینز کو لیگ میں مسلسل تین شکست ہوچکی ہے۔ کومیلا میں پاکستان کے خوشدل شاہ اور حسن علی بھی شامل ہیں۔