لاہور(این این آئی)صوبائی دارالحکومت لاہور میں دو دن کے وقفے کے بعد آٹے اور مرغی کی قیمتوں میں پھر اضافہ کردیا گیا۔مارکیٹ ذرائع کے مطابق شہر میں مرغی کی قیمت 18روپے بڑھ کر 489روپے کلو ہوگئی جبکہ گندم کی قیمت کم ہو کر3900روپے من پر آگئی۔مارکیٹ ذرائع کے مطابق گندم کی قیمت کم ہونے کے باوجود فلور ملز مالکان آٹے کی قیمت کم کرنے پر تیار نہیں جس کے باعث 15کلو کمرشل آٹے کا تھیلہ پھر بڑھ کر 1900روپے کا ہوگیا۔مارکیٹ ذرائع نے بتایاکہ عام دکانوں پر آٹے کے تھیلے کی قلت بھی برقرار ہے جبکہ چکی مالکان نے بھی آٹے کی قیمت کم کرنے سے انکار کردیا۔ذرائع کی جانب سے بتایا گیا کہ ضلعی انتظامیہ قیمتیں کم کرانے میں مکمل ناکام نظر آتی ہے۔

موضوعات:گوشت کی قیمت