ممبئی (این این آئی)تنازعات کا شکار رہنے والی بھارتی اداکارہ راکھی ساونت عرف فاطمہ کی بزنس مین عادل خان سے دوسری شادی پر نیا تنازع کھڑا ہو گیا۔بھارتی میڈیا کے مطابق عادل خان نے ابتدا میں شادی کی تصاویر اور ویڈیوز کو جعلی قرار دیا تاہم بعدازاں انہوں نے اس حوالے سے کوئی بھی بیان دینے سے انکار کر دیا۔میڈیا رپورٹس کے مطابق عادل خان نے اپنے حالیہ انٹرویو میں کہا ہے کہ نہ تو میں راکھی ساونت عرف فاطمہ سے اپنی شادی سے انکار کرتا ہوں اور نہ ہی اسے تسلیم کرتا ہوں، اس حوالے سے کچھ بھی کہنے کے لیے مجھے 10 سے 12 دن درکار ہیں۔انہوں نے کہا کہ ہم ایک ساتھ ہیں، ہمارے تعلقات بالکل ٹھیک ہیں لیکن شادی کے حوالے سے کچھ بھی کہنے کے لیے خود میڈیا سے رابطہ کروں گا۔