اسلام آباد (آئی این پی) الیکشن کمیشن آف پاکستان( آج) پیر کو 5محفوظ فیصلے سنائے گا، کراچی میں بلدیاتی انتخابات، کراچی حیدرآباد میں ایڈمنسٹریٹر کی تعیناتی، اسحاق ڈار کی سینیٹ نشست، جماعت اسلامی کی بلدیاتی انتخابات کے حوالے سے محفوظ فیصلے سنائے جائیں گے،

الیکشن کمیشن نے کاز لسٹ جاری کردی۔تفصیلات کے مطابق الیکشن کمیشن آف پاکستان آج بروز سوموار 9جنوری کو 5محفوط فیصلے سنانے جارہی ہے ۔فیصلوں میں کراچی میں بلدیاتی انتخابات کا معاملہ جس میں پرانے یا نئی ووٹر لسٹوں پر ووٹ کرنے کا بھی فیصلہ کیا جائے گا یہ درخواست ایم کیو ایم نے درج کی تھی الیکشن کمیشن کراچی میں بلدیاتی انتخابات سے متعلق درخواستوں پر فیصلہ سنائے گا،بلدیاتی انتخابات کے حوالے سے ایم کیو ایم، جماعت اسلامی اور سندھ حکومت کی درخواستوں ہر فیصلہ سنایا جائے گا،الیکشن کمیشن نے جمعہ کو سماعت کے بعد فیصلہ محفوظ کیا تھا،چیف الیکشن کمشنر کی زیر صدارت تین رکنی کمیشن محفوظ فیصلہ سنائے گاالیکشن کمیشن بروز پیر صبح دس بجے محفوظ فیصلہ سنائے گا۔الیکشن کمیشن نے اس حوالے سے کاز لسٹ جاری کردی۔وزیر خزانہ اسحاق ڈار کی سینیٹ کی نشست سے متعلق بھی فیصلہ سنایا جائے گا۔کراچی حیدرآباد میں ایڈمنسٹریٹر کی تعیناتی کے حوالے سے بھی فیصلہ سنایا جائے گا ۔