کراچی (این این آئی)نیوزی لینڈکرکٹ ٹیم کے کپتان کین ولیمسن نے کہا ہے کہ پاکستان کے خلاف ون ڈے سیریز کسی چیلنج سے کم نہیں ہے کیونکہ ہوم گراؤنڈ کا ایڈوانٹیج پاکستان ٹیم کو حاصل ہوگا۔میڈیا سے گفتگو نیوزی لینڈ ٹیم کے کپتان کین ولیمسن نے کہا کہ پاکستان کے خلاف ون ڈے سیریز سے ورلڈکپ کی تیاری میں مدد ملے گی۔کیوی کپتان نے کہا کہ ہماری گزشتہ سیریز بارش کی نذر ہوگئی تھی، اس لیے یہ اچھا موقع ہے کہ وہ ون ڈے سیریز جیت کر ورلڈکپ 2023 کی تیاری کا آغاز اچھے انداز سے کریں۔ایک سوال پر کیوی ٹیم کے کپتان نے کہا کہ ان کی توجہ آئی سی سی ون ڈے رینکنگ پر نہیں ہوتی بلکہ وہ اپنی توجہ سیریز کے نتائج پر مرکوز رکھتے ہیں۔