اسلام آباد(این این آئی)پاکستان کرکٹ ٹیم کے مایہ ناز اوپننگ بلے باز امام الحق نیوزی لینڈ کی کرکٹ ٹیم کے خلاف دو میچوں کی سیریز کے کراچی میں کھیلے گئے ٹیسٹ میچ میں نروس نائنٹیز کا شکار ہوگئے ، وہ 4 رنز کے فرق سے اپنے ٹیسٹ کیریئر کی چوتھی سنچری مکمل کرنے میں ناکام رہے۔
نیشنل کرکٹ سٹیڈیم ،کراچی میں جمعہ کو امام الحق نے کیوی ٹیم کے خلاف کراچی ٹیسٹ میچ کے پانچویں اور آخری روز وکٹ کیپر بلے باز سرفراز احمد کے ساتھ ملکر شاندار بلے بازی کا مظاہرہ کیا اور میزبان ٹیم کے باولرز کی خوب دھلائی کی ۔ دونوں کھلاڑیوں نے محتاط انداز میں عمدہ بیٹنگ کی ۔ امام الحق نے 206گیندوں کا سامنا کرتے ہوئے وکٹ کے چاروں اطراف آزادانہ اور دلکش سٹروکس کھیلے اور ایک خوبصورت چھکے اور 10 چوکوں کی مدد سے 96رنز بنائے ۔27سالہ امام الحق نروس نائنٹیز کا شکار ہوگئے اور وہ 4رنز کے فرق سے اپنے ٹیسٹ کیریئر کی چوتھی سنچری مکمل نہ کر سکے ۔ امام الحق ک19ٹیسٹ 54ایک روزہ اور 2 ٹی ٹونٹی بین الاقوامی میچوں میں پاکستان کی نمائندگی کا اعزاز حاصل ہے ۔ امام الحق کو 96کے انفرادی سکور پر ایش سودی نے ٹام بلینڈل کے ہاتھوں کیچ آئوٹ کیا۔ امام الحق نیوزی لینڈ کی کرکٹ ٹیم کے خلاف دو میچوں کی سیریز کے کراچی میں کھیلے گئے ٹیسٹ میچ میں نروس نائنٹیز کا شکار ہوگئے ، وہ 4 رنز کے فرق سے اپنے ٹیسٹ کیریئر کی چوتھی سنچری مکمل کرنے میں ناکام رہے۔
