اسلام آباد (مانیٹرنگ ڈیسک) وزیراعظم شہباز شریف نے کرکٹ بورڈ کے معاملات چلانے کے لئے 14 رکنی کمیٹی قائم کر دی ہے، 14 رکنی کمیٹی کے نام وفاقی کابینہ کے سامنے منظوری کے لئے پیش کئے جائیں گے منظوری کے بعد رمیز راجہ کی سربراہی میں کام کرنے والا کرکٹ بورڈ غیر فعال ہو جائے گا۔ کمیٹی کی سربراہی نجم سیٹھی کریں گے، کمیٹی ارکان میں شکیل شیخ، گل زادہ، نعمان بٹ، شاہد آفریدی، ہارون رشید، ثنا میر، تنویر احمد، گل محمد کاکڑ، ایاز بٹ، ایزد سید، شفقت رانا، مصطفیٰ رمدے اور چوہدری سعید شامل ہیں۔