لاہور (آئی این پی) صوبائی دارلحکومت لاہور کے علاقہ کوٹ لکھپت میں نوجوان کے قتل کی واردات کا ڈراپ سین ہو گیا ، بہن نے آشنا کے ساتھ مل کر شوٹرز کے ذریعے قتل کروایا۔
لڑکی کو کزن اور دو شوٹرز سمیت گرفتار لیا گیا ۔تفصیلات کے مطابق لاہور میں شوٹرز کا نیٹ ورک نہ ٹوٹ سکا ، کوٹ لکھپت میں نوجوان کے قتل کی واردات میں ہولناک انکشافات سامنے آئے ہیں ۔ پولیس کے مطابق ایم اے انگلش بہن نے آشنا کے ساتھ مل کر شوٹرز سے قتل کروایا ، عدنان کے قتل کی سپاری دو لاکھ ستر ہزار روپے میں دی گئی ، ملزمہ آسیہ ماموں زاد وقاص سے شادی کرنا چاہتی ہے مگر عدنان بہن کی شادی کسی پڑھے لکھے نوجوان سے کرنا چاہتا تھا ، آسیہ نے اٹلی مقیم وقاص سے مل کر بھائی کو راستے سے ہٹانے کا منصوبہ بنایا۔ پولیس کا کہنا ہے کہ آسیہ کو دو شوٹرز اور کزن کے ہمراہ گرفتار کرلیا جبکہ ملزم وقاص کو اٹلی سے گرفتار کرنے کے لیے ریڈ وارنٹ جاری کروائے جائیں گے ۔
