راولپنڈی(این این آئی) پاکستان اور انگلینڈ کے مابین سیریز کے پہلے ٹیسٹ کے تیسرے روز قومی ٹیم کے کے اوپنرز عبداللہ شفیق اور امام الحق سنچری مکمل کرنے میں کامیاب ہوگئے۔ پاکستان کی پہلی وکٹ 225رنز پر گر گئی۔ اس طرح دونوں کھلاڑیوں نے بڑی اوپننگ پارٹنر شپ قائم کی اور 38 سالہ ریکارڈ توڑ دیا، اس سے قبل 1984ء میں محسن حسن اور شعیب محمد نے انگلینڈ کے خلاف 173 رنز کا اوپننگ اسٹینڈ دیا تھا، وِل جیکس نے عبداللہ شفیق کو 114رنز پر آؤٹ کرکے اپنی پہلی ٹیسٹ وکٹ لی۔دوسری وکٹ 245رنز پر گری۔ امام الحق 121رنز بنا کر لیچ کی گیند پر رابنسن کے ہاتھوں کیچ آؤٹ ہوگئے۔