لاہو ر(مانیٹرنگ ڈیسک ، این این آئی)انڈیا نے ٹی ٹوئنٹی ورلڈ کپ کے دوسرے سیمی فائنل میں انگلینڈ کو169 رنز کا ہدف دیدیا،ہارک پانڈیا نے 33گیندوں پر63 رنز کی برق رفتار اننگز کھیلی،  ویرات کوہلی نے 40 گیندوں پر 50 رنز سکور کئے ،کے ایل راہول 5، روہت شرما 27،سوریا کمار یادیو 14 رنز بنا سکے ۔

دوسری جانب  قومی کرکٹ ٹیم کے فاسٹ بولر حسن علی نے بھی پاکستان اور بھارت کو ٹی ٹونٹی ورلڈ کپ کے فائنل میں دیکھنے کی خواہش کا اظہار کر دیا ۔ سماجی رابطے کی سائٹ ٹوئٹر پر جاری کیے گئے پیغام میں حسن علی نے اپنی خواہش کا اظہار کرتے ہوئے کہا کہ میں پاکستان اور بھار ت کو فائنل میں دیکھنا چاہتا ہوں۔فاسٹ بولر نے اپنے مداحوں سے بھی سوال کیا کہ آپ کس کو فائنل میں دیکھنا چاہتے ہیں؟واضح رہے کہ اس سے قبل سابق آسٹریلوی آل رائونڈر شین واٹسن کا کہناتھا کہ ہر کوئی ٹی ٹوئنٹی ورلڈ کپ کے فائنل میں پاکستان اور بھارت کو دیکھنا چاہے گا۔شین واٹسن نے کہا کہ بدقسمتی سے میں سپر 12 میں میلبرن کرکٹ گراونڈ میں پہلا مقابلہ نہیں دیکھ سکا تھا، میں تب اس سے پہلے آسٹریلیا نیوزی لینڈ میچ کی کمنٹری کر رہا تھا۔