راولپنڈی (این این آئی)راولپنڈی میں پاکستان تحریک انصاف کے کارکنوں نے پرانا ایئر پورٹ روڈ گلزار قائد کے پاس سڑک بلاک کر دی ،روڈ بلاک ہونے سے ٹریفک جام ہو گیا اور گاڑیوں کی لمبی قطاریں لگ گئیں ا س دور ان شہری نے مظاہرین سے التجائیں کرتے ہوئے کہا کہ

مجھے راستہ دو، میرے بچے اسکول میں میرا انتظار کر رہے ہیں۔شہری نے کہا کہ اسکول سے بار بار فون آ رہے ہیں کہ بچوں کو لے جائیں۔پی ٹی آئی کے مظاہرین نے شہری کو گھیر لیا اور تلخ کلامی بھی کی۔شہری نے کہاکہ احتجاج سب کا حق ہے، انہوں نے تو لوگوں کو پریشان کر رکھا ہے۔اس دور ان مزید شہریوں نے بھی راستہ روکنے پر شدید احتجاج کرتے ہوئے پاکستان تحریک انصاف کے رویئے کی مذمت کی دوسری جانب راولپنڈی میں مری روڈ پر پاکستان تحریک انصاف کے احتجاج کے دوران کارکنان کی آپس میں تلخ کلامی ہو گئی۔پی ٹی آئی رہنما فیاض الحسن چوہان نے مظاہرے میں شریک کارکن کو تھپڑ مار دیا۔کارکن فیاض الحسن چوہان سے ناراض ہو گیا اور سوال کیا کہ آپ نے مجھے تھپڑ کیوں مارا؟فیاض الحسن چوہان نے کارکن کو جواب دیتے ہوئے کہا کہ ٹائر پر پیٹرول چھڑکتے وقت پیٹرول کارکنوں پر گرا ہے جس سے آگ لگ سکتی تھی۔فیاض چوہان نے کہا کہ آپ کو اپنا بچہ سمجھ کر تھپڑ مارا ہے۔

موضوعات:فیاض الحسن چوہان