سرگودھا(این این آئی)دوستی اور تعلقات استوار نہ کرنے پر دوشیزہ کو باپ اور چچا سمیت قتل کر دیا گیا پولیس نے تہرے اندھے قتل کی واردات کو ٹریس کر کے قاتل کو گرفتار کر لیا اور مصروف تفتیش ہے۔زرائع کے مطابق سرگودھا ریجن کے علاقہ کندیاں کے قریب واقع ڈومیز
کالونی میں تہرے قتل کی واردات میں گھر کے سربراہ صادق مسیح،اس کی بیٹی انیتا بی بی اور بھائی منظور مسیح کو تیز دار آلہ سے قتل کر دیا گیا جن کی نعش پوسٹ مارٹم کے بعد پولیس تھانہ کندیاں نے ورثا کے سپرد کر دیں اور پراسرار تہرے اندھے قتل کا مقدمہ درج کر لیا جس کا فوری نوٹس لیتے ہوئے ڈی پی او میانوالی محمد نوید نے سی ائی اے سٹاف پپلاں اور کندیاں پولیس پر مشتمل انوسٹیگیشن ٹیم تشکیل دے انہیں ملزمان کو ٹریس کر کے گرفتاری کا ٹاسک دیا گزشتہ روز انوسٹیگیشن ٹیم نے اندھے قتل کا سراغ لگا کر سلطان والا کے قاتل جاوید کو گرفتار کر لیا جس نے ابتدائی تفتیش میں بتایا کہ وہ مقتول صادق مسیح کی بیٹی انیتا بی بی سے دوستی اور تعلقات استوار کرنا چاھتا تھا وقوعہ کے روز وہ انیتا سے ملنے رات کے وقت اس کے گھر میں گیا اور خواہش پوری نہ ہونے پر اس نے انیتا بی بی کے والد صادق مسیح اورچچا منظور کو تیز دھار آلہ سے قتل کر دیا جس میں مزاحمت پر انیتا بی بی کو بھی موت کے گھاٹ اتار دیا اور جائے واردات سے فرار ہو کر روپوش ہو گیا۔پولیس قاتل کو گرفتار کر کے مصروف تفتیش ہے۔
