میلبرن ( این این آئی)ٹی ٹونٹی ورلڈ کپ کے لیے آسٹریلیا میں موجود بھارتی کرکٹ ٹیم پریکٹس کے موقع پر غیر متوقع کھانا دیکھ کر ناخوش ہوگئی۔بھارتی میڈیا کے مطابق ٹریننگ کے بعد بعض کرکٹرز نے کھانا نہیں کھایا اور پریکٹس سے ہوٹل واپس جا کر

اپنے کمروں میں کھانا منگوا کر کھایا۔رپورٹس کے مطابق ٹریننگ کے دوران سینڈوچز اور پھل وغیرہ دستیاب تھے تاہم دوپہر میں جب ٹریننگ کا اختتام ہوا تو کرکٹرز فل مینیو لنچ کی توقع کر رہے تھے۔بھارتی میڈیا کے مطابق کھانے کے ٹائم پر کرکٹرز کو گرم کھانا نہ ملا جس سے وہ ناخوش ہوئے اور واپس جانے کا فیصلہ کیا۔بھارتی ٹیم کے آفیشل کے مطابق کسی کرکٹر نے بائیکاٹ نہیں کیا، کسی نے سینڈوچ تو کسی نے فلافل لیا، کچھ کرکٹرز نے پھل اٹھائے، کرکٹرز مکمل لنچ چاہتے تھے بعض نے کمروں میں واپس آکر کھانے کا فیصلہ کیا۔ٹیم آفیشل کے مطابق تمام ممالک کے لیے قوانین یکساں ہیں، آئی سی سی ٹریننگ کے بعد لنچ میں گرم کھانے نہیں دیتی، باہمی سیریز میں میزبان ایسوسی ایشن گرم بھارتی کھانوں کا اہتمام کرتی ہے ۔ٹیم کا آفیشل نے مزید کہا کہ کرکٹرز 2 گھنٹے کے سیشن کے بعد ٹماٹر اور کھیروں کے ساتھ ٹھنڈے سینڈوچ جو گرلڈ بھی نہ ہوں نہیں کھا سکتے۔