اسلام آباد (مانیٹرنگ ڈیسک ٗاین این آئی)اینکر پرسن ارشد شریف کے  قتل پر صحافیوں اور سول سوسائٹی نے آزادانہ تحقیقات ک مطالبہ کر دیا۔تفصیلات کے مطابق پاکستان فیڈرل یونین آف جرنلسٹس (پی ایف یوجے) نے اینکر پرسن ارشد شریف کے قتل کے خلاف 3 روزہ سوگ کا اعلان کرتے

ہوئے کہا ارشد شریف کا قتل درد ناک واقعہ ہے۔صدر پی ایف یو جے ورکرز پرویز شوکت نے کہا کہ کارکن 3 دن تک کالی پٹیاں باندھ کر تعزیتی اجلاس منعقد کرائیں۔پی ایف یو جے نے حکومت سے قاتلوں کو منظر عام پر لانے کا مطالبہ کرتے ہوئے کہا انٹرنیشنل یونین آف جرنلسٹس تحقیقات میں کردار ادا کرے۔صدرپی ایف یوجےافضل بٹ نے نجی ٹی وی سے گفتگو میں کہا کہ پورا پاکستان دکھ کی کیفیت میں ہے، کینیا کا واقعہ ارشد شریف کا نہیں پاکستان میں صحافت کاقتل ہے۔افضل بٹ کا کہنا تھا کہ ارشد شریف کے قاتلوں کی گرفتاری تک صحافی برادری چین سے نہیں بیٹھے گی، تمام صحافتی تنظیمیں واقعے پر گہرے دکھ اور افسوس کا اظہار کرتی ہیں۔صدرپی ایف یوجے نے مزید کہا کہ ارشد شریف اپنے پیشہ سے ذمہ داری کے ساتھ منسلک تھا، وہ انویسٹی گیٹنگ جرنلسٹ تھا، ارشد شریف ہمیشہ حق وسچ کی بات کرتا تھا۔دوسری جانب وفاقی وزیر داخلہ رانا ثنااللہ نے کہاہے کہ کینیا میں ارشدشریف کے ساتھ پیش آنے والا واقعہ افسوسناک ہے، ہم غمزدہ خاندان کے دکھ میں برابر شریک ہیں۔اپنے بیان میں انہوں نے کہا کہ واقعے سے متعلق حقائق جاننے کیلئے کینیا کی حکومت سے رابطے میں ہیں، نیروبی میں موجود پاکستانی سفارتخانہ معاملے میں مکمل معاونت کررہا ہے۔