ٰٖفیصل آباد(آن لائن) مسلم لیگ ن کے مرکزی رہنما اسراراحمد منے خان نے عمران خان کی نااہلی کومکافات عمل قراردیتے ہوئے کہاہے کہ میاں نوازشریف نے انصاف کونظراندازکرکے تحریک انصاف کوترجیح دینے والے بابارحمتے کے فیصلے کواللہ تعالیٰ پرچھوڑدیاتھا۔
اُنہوں نے عمران خان کے لئے کہاکہ ’’پہنچی وہیں پہ خاک جہاں کاخمیرتھا‘‘حکومت کے نام پرلوٹ مار،مخالفین پرجھوٹے مقدمات اورآئی ایم ایف کے ساتھ کئے گئے ظالمانہ معاہدوں سے غریب عوام کومہنگائی کی آگ میں جھونکنے والے اللہ تعالیٰ کی گرفت میں آگئے ہیں۔قوم کوایک ایسے نااہل ظالم اورنوجوان نسل کوگمراہ کرنے والے سے نجات مل گئی ہے جوسیاست کے نام پرخطرناک ثابت ہورہاتھا۔اُن کاکہناتھاکہ الیکشن کمیشن کے فیصلے کے بعدعمران خان کوصادق الامین قراردینے والے پر اپنی اہلیت اورصادق الامین کاسوالیہ نشان ہے۔جہادکے نام پرفسادکرنے والے چندروزتک احتجاج میں آنسوبہانے کے بعدخاموش ہوجائیں گے۔عمران خان اب نہ اسمبلی میں رہے گانہ اپنی جماعت میں۔اُنہوں نے اُمید ظاہرکی ہے کہ عمران خان کا الیکشن کمیشن کے خلاف جانے کے بعد بھی فیصلے کوبرقراررکھاجائے گا۔الیکشن کمیشن نے قانون کے مطابق متفقہ فیصلہ دیاہے۔ ابھی کئی فیصلے ہونے والے ہیں عمران خان کسی طرح بھی عوامی میدان کے قابل نہیں رہیں گے
