اسلام آباد(آن لائن) پاکستان تحریک انصاف کے ہیڈ آف میڈیا افیئرز فواد چودھری نے کہا ہے کہ قوم نے ایک بار پھر عمران خان کو اپنی امیدوں کا محور ثابت کیا۔سابق وفاقی وزیر اطلاعات و نشریات فواد چودھری نے یہ بات سماجی رابطوں کی ویب سائٹ ’ٹوئٹر‘ پر جاری کردہ اپنے بیان میں کہی ہے۔فواد چودھری نے اپنے ٹویٹر بیان میں کہا ہے کہ تمام نشستوں پر عمران خان کی واضح برتری ہے، حکومت اور اسٹیبلشمنٹ سے کہتا ہوں عوام کی خواہش کا احترام کریں۔پی ٹی آئی کے مرکزی رہنما نے کہا ہے کہ فوری طور پر ملک میں نئے انتخابات کا اعلان کریں، حکومت سے الیکشن کے فریم ورک پر گفتگو کے لیے تیار ہیں۔