لاہور (این این آئی)برطانوی ہائی کمشنر کرسچن ٹرنر کا لاہوریوں کیلئے اردو میں جاری کر دہ خصوصی پیغام سوشل میڈیا پر وائرل ہو گیا۔سماجی رابطے کی سائٹ ٹوئٹر پر جاری اپنے پیغام میں کرسچن ٹرنر نے کہا کہ میں لاہور کے قذافی اسٹیڈیم میں موجوں ہوں، میں یہاں کے منظر بیان نہیں کر سکتا۔

انہوں نے کہا کہ کراچی کے سنسنی خیز مقابلوں کے بعد یہ کراوڈ اپنی ٹیم کو سپورٹ کرنے آیا ہے۔کرسچن ٹرنر نے لاہوریوں سے سوال کرتے ہوئے کہا کہ اصل کھیل تو اب شروع ہو گا، کیا آپ تیار ہیں؟واضح رہے کہ گزشتہ روز دوسری اننگز کے آخری اوور میں عامر جمال کی شاندار بولنگ کی بدولت پاکستان نے انگلینڈ کو پانچویں ٹی ٹوئنٹی میں 6 رنز سے شکست دی تھی۔قومی ٹیم نے اس فتح کے ساتھ ہی 7 میچز کی سیریز میں 2-3 کی برتری حاصل کر لی ۔دوسری جانبانگلینڈ کرکٹ ٹیم کے کپتان جوز بٹلر نے کہا ہے کہ ورلڈ کپ سے قبل کھیلنا اچھا ہے لیکن ورلڈ کپ قریب ہونے کی وجہ سے احتیاط کر رہا ہوں۔جوز بٹلرنے برطانوی ٹی وی کو انٹرویو میں کہا کہ میں پنڈلی کی تکلیف کے بعد سے بہتر محسوس کر رہا ہوں، تھوڑا محتاط ہوں اور آہستہ آہستہ چیزوں کو لے رہا ہوں۔انہوں نے کہا کہ ایسا محسوس کیا جیسے کل ورلڈ کپ کا گیم ہو، اگر مجھے کھیلنا پڑتا تو میں کھیل سکتا تھا۔

واضح رہے کہ جوز بٹلر پنڈلی میں تکلیف کے باوجود ٹیم کے ہمراہ پاکستان میں موجود ہیں تاہم انہوں نے اب تک ٹی ٹوئنٹی سیریز کا کوئی میچ نہیں کھیلا، ان کی جگہ معین علی ٹیم کی قیادت کر رہے ہیں۔ واضح رہے کہ گزشتہ روز دوسری اننگز کے آخری اوور میں عامر جمال کی شاندار بولنگ کی بدولت پاکستان نے انگلینڈ کو پانچویں ٹی ٹوئنٹی میں 6 رنز سے شکست دی تھی۔