واشنگٹن(این این آئی)امریکی خلائی ادارے ناسا کے ڈارٹ مشن پر موجود خلائی جہاز 26 ستمبر کو جان بوجھ کر خلائی چٹان سے ٹکرا یا جائے گا۔امریکی میڈیا کے مطابق ناسا کے سائنسدانوں کا کہنا ہے کہ 10 ماہ قبل خلا میں بھیجے جانے والے خلائی جہاز کو ڈبل ایسٹرائڈ ری ڈائریکشن ٹیسٹ (ڈارٹ) مشن پر بھیجا گیا ہے۔میڈیا رپورٹس کے مطابق خلائی چٹان سے ٹکرانے کے بعد ایسٹرائڈ کے ردعمل کا مشاہدہ کرے گا۔ناسا خلائی جہاز کے چٹان سے ٹکرانے کے عمل کی لائیو اسٹریمنگ کرے گا، اس عمل سے زمین کو کوئی خطرہ نہیں ہوگا۔سائنسداں نینسی شیبو کا کہنا ہے کہ اگر یہ تجربہ درست ثابت ہوتا ہے تو مستقبل میں ایسے خطرات سے خود زمین کو بچانا ممکن ہوجائے گا۔ناسا کے مطابق 27 ہزار سے زائد بڑے شہابیے ایسے ہیں جن کی راہ میں زمین آسکتی ہے۔