ممبئی (این این آئی) بالی ووڈ سپر سٹار عامر خان کے بھائی فیصل خان نے دعویٰ کیا ہے کہ سوا دو برس قبل ممبئی میں اپنے فلیٹ میں مردہ پائے جانے والے سوشانت سنگھ راجپوت کو قتل کیا گیا تھا۔ اپنے ایک انٹرویو میں فیصل خان نے کہا کہ میری دعا ہے کہ سچائی سامنے آئے۔انہوں نے کہا کہ انہیں پتہ ہے یہ

قتل ہے، جب یہ کیس کھلے گا تب ہی وقت ثابت کریگا، کئی ایجنسیوں نے اس کی تحقیقات کی لیکن بعض اوقات سچائی پھر بھی سامنے نہیں آتی، میری دعا ہے کہ یہ سچ سامنے آئے اور سب کو پتہ چلے۔دوسری جانب برہنہ فوٹو شوٹ کیس میں بالی ووڈ اداکارہ رنویر سنگھ نے پولیس کو دیئے گئے بیان میں دعوی کیا ہے کہ فوٹو شوٹ کی ایک تصویر کے ساتھ جعلسازی کی گئی ہے۔اداکار نے پولس کو بیان جمع کرایا ہے کہ جس تصویر کی بنیاد پر ان کیخلاف مقدمہ بنایا گیا ہے اس تصویر کے ساتھ چھیڑ چھاڑ کی گئی ہے اور ان کے فوٹ شوٹ میں کسی بھی تصویر میں ان کے جسم کے پرائیویٹ پارٹس ظاہر نہیں ہیں۔پولیس نے رنویر سنگھ کی تصاویر کو فارنزک لیبارٹری میں بھجوادیا ہے اور اگر اداکار کا دعوی درست ثابت ہوا تو انہیں کلین چٹ مل سکتی ہے۔پولیس نے اپنے جاری بیان میں کہا ہے کہ رنویر سنگھ نے اپنے انسٹااکائونٹ پر جو تصاویر اپلوڈ کی تھیں، مقدمے کے مدعی کی تصویر ان سے الگ ہے۔