اسلام آباد ( آن لائن)ملک میں بجلی کا شارٹ فال 6 ہزار 8سو 3 میگاواٹ ہے،بجلی کی مجموعی پیداوار 19 ہزار 1سو 97میگاواٹ جبکہکل طلب 26 ہزار میگاواٹ ہے،پاور ڈویژن ذرائع کے مطابق پانی سے 6 ہزار 5 سو میگاواٹ بجلی پیدا کی جارہی ہے،سرکاری تھرمل پلانٹس 1ہزار میگا واٹ بجلی پیدا کررہے ہیں، نجی شعبے کے بجلی گھروں کی مجموعی پیداوار 8 ہزار 5 سو میگا واٹ ہے۔

ونڈ پاور پلانٹس 5 سو 40 میگاواٹ اور سولر پلانٹس سے پیداوار 147 ہے، بگاس پاور پلانٹس سے 32 میگا واٹ بجلی پیدا ہو رہی ہے، جوہری ایندھن 2 ہزار 4 سو 78 میگا واٹ بجلی پیدا کی جارہی ہے،ذرائع کے مطابق شارٹ فال بڑھنے سے ملک کے مختلف علاقوں میں بدترین لوڈشیڈنگ کا سلسلہ جاری ہے،ہر ایک گھنٹے بعد بجلی کی لوڈشیڈنگ کی جارہی ہے۔دوسری جانب وفاقی وزیر توانائی خرم دستگیر نے کہا ہے کہ بجلی قیمتیں کم کرنے کے عملی کام کا آغاز ہو گیا ہے۔ اسلام آباد میں پریس کانفرنس کرتے ہوئے وزیر توانائی نے کہا کہ سیلاب سے متاثرہ علاقوں میں بجلی بحالی کا کام جاری ہے اور سیلاب متاثرین کی تکلیف کم کرنے کیلیے عملی اقدامات جاری ہیں۔ داخلی وسائل پر انحصار کر کے مختلف ذرائع سے بجلی پیدا کرنے کا فیصلہ کیا گیا ہے۔انہوں نے کہا کہ ملک میں بجلی کے کارخانے ہمارے ملکی وسائل پر لگائے جائیں گے اور بجلی بنانے کے لیے درآمد شدہ ایندھن بہت مہنگا پڑتا ہے۔

بجلی کی قیمتیں کم کرنے کے عملی کام کا آغاز ہوچکا ہے اور 600 میگاواٹ بجلی پیداوار کے لیے بولی دے رہے ہیں۔ خرم دستگیر نے کہا کہ بجلی کی قیمتوں کا تعین شفاف طریقے سے کیا جائے گا۔ خلیج فارس بجلی سیکٹر میں دلچسپی لے رہا ہے اور شمسی توانائی سے ماحولیاتی آلودگی میں کمی ہو گی جبکہ شمسی توانائی کے پہلے منصوبے پر سرمایہ کاروں کو دعوت دی ہے۔

انہوں نے کہا کہ سرمایہ کاروں کو شمسی توانائی کے پہلے منصوبے پر بریفنگ دیں گے اور شمسی توانائی سے 60 فیصد سستی بجلی بنائی جا سکتی ہے۔ خزانے پر سبسڈی کا بوجھ کم کیاجائے گا۔وفاقی وزیر نے کہا کہ 6 ہزار میگاواٹ امپورٹڈ فیول کا متبادل دے رہے ہیں اور آنے والے سالوں میں 11 ہزار میگاواٹ سسٹم لگانے کا منصوبہ ہے

موضوعات:لوڈشیڈنگ