اسلام آباد ( آن لائن ) انڈس ریور سسٹم اتھارٹی(ارسا)نے ملک بھر میں دریاؤں اور ڈیموں میں پانی کی صورتحال سی متعلق تازہ ترین رپورٹ جاری کردی ۔ ارسا کے مطابق دریائوں میں پانی کا مجموعی بہائو6لاکھ 87ہزارکیوسک ہو گیا،ڈیموں میں پانی کا ذخیرہ 92 لاکھ ایکڑفٹ ہے،

دریائے سندھ میں تربیلا کے مقام پرپانی کی آمد 2 لاکھ 64ہزارکیوسک ،تربیلاڈیم میں پانی کا ذخیرہ 58 لاکھ ایکڑفٹ ،چشمہ بیراج پر پانی کا بہائو 5 لاکھ 18 ہزار کیوسک ہے۔ اسی طرح دریاے کابل میں انتہائی اونچے درجے کا سیلاب برقرار ہے اور نوشہرہ کے مقام پر دریائے کابل میں پانی کا بہائو 3لاکھ 18 ہزار کیوسک ہے ،سکھر بیراج سے 5 لاکھ 30 ہزار کیوسک کا سیلابی ریلہ گزر رہا ہے۔ دو بیراج پر پانی کا بہاو 5 لاکھ کیوسک ہے، دریائے جہلم میں منگلاکے مقام پرپانی کی آمد 39ہزارکیوسک ہے، ڈیم سے 10 ہزارکیوسک پانی خارج ہورہا ہے، منگلاڈیم میں پانی کا ذخیرہ 34 لاکھ ایکڑفٹ ہے، دریاے چناب میں مرالہ کے مقام پر پانی کا بہاو 65 کیوسک ہے،تریموں بیراج پر پانی کا بہائو 51 ہزار کیوسک ہے۔ پنجند کے مقام پر پانی کی آمد 57 ہزار کیوسک ہے، تونسہ بیراج پر پانی کی آمد 5 لاکھ 67 ہزار کیوسک ہے، کوٹری بیراج پر پانی کا بہاو 3لاکھ38ہزار کیوسک ہے۔ 3لاکھ 38 ہزارکیوسک پانی سمندر برد ہو رہا ہے۔ ارساکامزید کہناہے کہ یکم اپریل سے اب تک 1کروڑ45 لاکھ ایکڑ فٹ پانی سمندر برد ہو چکا ہے۔