اسلام آباد (نیوز ڈ یسک) حکومت سندھ نے عیدالاضحیٰ سے قبل سرکاری ملازمین کے لیے اہم اعلان کرتے ہوئے تنخواہیں جلد جاری کرنے کا فیصلہ کر لیا ہے۔

اس حوالے سے سندھ کے محکمہ خزانہ کی جانب سے باقاعدہ نوٹیفکیشن بھی جاری کر دیا گیا، جس میں تمام متعلقہ اداروں کو ہدایت کی گئی ہے کہ صوبائی سرکاری ملازمین کی تنخواہیں عید سے پہلے ادا کی جائیں۔

نوٹیفکیشن کے مطابق عیدالاضحیٰ کے پیش نظر صوبے کے مسلم سرکاری ملازمین کو ماہ مئی کی تنخواہیں اور پنشن 20 مئی 2026 تک فراہم کر دی جائیں گی تاکہ ملازمین اپنی عید کی تیاریوں کو بہتر انداز میں مکمل کر سکیں۔حکومت کی جانب سے اس اقدام کو سرکاری ملازمین کے لیے عید سے قبل ریلیف قرار دیا جا رہا ہے۔