اسد قیصر کے بھائی کیخلاف مقدمہ درج
اسلام آباد ( آن لائن)ایف نائن پارک میں بائولنگ کلب پر غیر قانونی قبضہ کرنے پر سابق سپیکر قومی اسمبلی اسد قیصر کے بھائی عدنان قیصر کیخلاف تھانہ مارگلہ میں مقدمہ درج کرلیا گیا۔
ایف آئی آر میونسپل ایڈمنسٹریشن اہلکار محمد عارف ہی مدعیت میں درج کی گئی ،درخواست میں کہاگیا ہے کہ 2019میں باؤلنگ کلب کا معاہدہ میسرز لیاقت علی اینڈ کو کے ساتھ دو سالہ معاہدہ کیاگیا۔
معاہدہ کے مطابق نیلامی کی رقم کا دس فیصد سالانہ اضافہ طے تھا،کچھ وقت بعد کلب کا قبضہ فضل اینڈ کو سمیت عدنان قیصر نے لے لیا۔
لائسنسنی،فضل اینڈ کو،عدنان قیصر نے چودہ کروڑ چونسٹھ لاکھ 68ہزار دو سو کے واجبات ادا کرنے ہیں،فضل اینڈ کو،عدنان قیصر کبھی بھی بڈر اور لائسنسی نہیں رہے،فضل اینڈ کو،عدنان قیصر نے کلب کی عمارات پر قبضہ کر رکھا ہے۔
