اسلام آباد(مانیٹرنگ ڈیسک)پی ٹی آئی رہنما اور سابق وفاقی وزیر مراد سعید کا کہنا ہے کہ شہباز گل کو دیکھنے کے لیے پمز ہسپتال گیا تو سادہ کپڑوں میں ملبوس اسلحہ بردار افراد رات 2 بجے میرے گھر پہنچ گئے۔تفصیلات کے مطابق سوشل میڈیا پر جاری بیان میں مراد سعید

نے دعویٰ کیا کہ جس وقت میں شہباز گل سے ملنے کے لیے پمز اسلام آباد میں موجود تھا، سادہ کپڑوں میں ملبوس اسلحہ بردار موٹر سائیکل سوار رات دو بجے میرےگھر کے گیٹ پر آئے۔مراد سعید نے مزید لکھا کہ اطلاع ملنے پر قریبی دوستوں سے رابطہ کیا جن کے پہنچنے پر اسلحہ بردار افراد وہاں سے روانہ ہوئے۔پی ٹی آئی رہنما نے لکھا کہ جب ان کا پیچھا کیا گیا تو ہاتھ میں موجود اسلحے کے باوجود پولیس چوکی پر انہیں بغیر روکے ریڈ زون میں داخل ہونے دیا گیا، ناصرف یہ بلکہ یہ وزیراعظم ہاؤس اور ڈپلومیٹک انکلیو کے پہلو سے ہوتے ہوئے آگے نکل گئے۔یاد رہے کہ گزشتہ روز عدالتی حکم پر شہباز گل کو اڈیالہ جیل سے اسلام آباد پولیس کی تحویل میں دیا گیا تھا جس کے بعد انہیں طبی معائنے کے لیے اسلام آباد کے پمز ہسپتال منتقل کیا گیا تھا۔

جب ان کا پیچھا کیا گیا تو ہاتھ میں موجود اسلحے کے باوجود پولیس چوکی پر انہیں بغیر روکے ریڈ زون میں داخل ہونے دیا گیا۔ نا صرف یہ بلکہ یہ وزیر اعظم ہاؤس اور ڈپلومیٹک انکلیو کے پہلو سے ہوتے ہوئے آگے نکل گئے pic.twitter.com/PTtBNnO20Y

— Murad Saeed (@MuradSaeedPTI) August 18, 2022