اسلام آباد(مانیٹرنگ ڈیسک )سابق ڈپٹی اسپیکر قومی اسمبلی قاسم سوری نے اسپیکرکےاقدام کو بلاجوازاورغیرآئینی قرار دے دیا۔تفصیلات کے مطابق ایک بیان میں قاسم سوری نے کہا کہ اسپیکرقومی اسمبلی کی جانب سے پی ٹی آئی ارکان کے استعفے منظور کرنے کی کوئی آئینی حیثیت نہیں،
میں یہ استعفے پہلے ہی قبول کرچکا ہوں۔نجی ٹی وی اے آروائی نیوز کے مطابق انہوں نے دعویٰ کیا کہ استعفوں کی منظوری کےبعد الیکشن کمیشن کو ریفرنس بھی بھجواچکا ہوں، استعفوں کی منظوری کبھی بھی پول میں نہیں ہوسکتی، تمام لوگوں نےاکٹھےاستعفے دیئےتھےاوراکٹھے ہی جمع ہوئے۔سابق ڈپٹی اسپیکر نے وفاقی حکومت کو چیلنج دیا کہ حکومت میں سکت ہےتوالیکشن کمیشن ایک سو تیس نشستوں پرضمنی انتخابات کا اعلان کرے، مشورہ دے رہا ہوں کہ اب بھی وقت ہے کہ عام انتخابات کی جانب جائیں۔واضح رہے کہ الیکشن کمیشن آف پاکستان نے قومی اسمبلی کی گیارہ نشستوں کو خالی قرار دے دیا ہے۔ذرائع کا کہنا ہے کہ الیکشن کمیشن ان خالی نشستوں پرانتخابی شیڈول جاری کرےگا اور ساٹھ روز کے اندر ان حلقوں میں الیکشن کرائے گا۔دوسری جانب پی ٹی آئی کے گیارہ ارکان کےاستعفوں کی منظوری پر اسپیکرقومی اسمبلی راجہ پرویزاشرف نے ایوان کوآگاہ کردیا ہے۔
