رومو (این این آئی)اٹلی کے 2 افراد پر مشتمل جوڑی نے مہارت سے چلتی گاڑی کا مختصر ترین وقت میں ٹائر تبدیل کرنے کا گنیز ورلڈ ریکارڈ قائم کردیا۔گنیز ورلڈ ریکارڈز حکام کے مطابق یہ کارنامہ اٹلی سے تعلق رکھنے والے 2 شہری مینوئل زولڈان اور جیانلوسا فولکو

نے انجام دیا۔اطلاعات کے مطابق ڈرائیور زولڈان اور ٹائر تبدیل کرنے والے فولکو نے مہارت کے ساتھ 1 منٹ اور 17 سیکنڈز میں چلتی گاڑی کا ٹائر تبدیل کر کے گنیز ورلڈ ریکارڈز میں اپنا نام درج کروالیا۔ویڈیو میں دیکھا جاسکتا ہے کہ مینوئل کار چلا رہے ہیں جبکہ گاڑی میں ہی موجود فولکو اچانک کھڑکی سے باہر نکلتے ہیں، اس دوران ڈرائیور گاڑی کو بظاہر دائیں جانب توازن برقرار رکھتے ہوئے 2 ٹائروں پر چلارہے ہیں۔دوسری جانب فولکو کھڑکی سے باہر نکل کر گاڑی کے بو نٹ پر لیٹتے ہوئے اس کا ٹائر تبدیل کر رہے ہیں۔جیسے ہی فولکو چلتی گاڑی کا ٹائر تبدیل کرلیتے ہیں تو وہ زمین پر چھلانگ مار دیتے ہیں اور مینوئل گاڑی کو دوبارہ اپنی اصلی حالت( 4 ٹائروں پر چلاتے ہیں) میں لے آتے ہیں۔ اٹلی کے 2 افراد پر مشتمل جوڑی نے مہارت سے چلتی گاڑی کا مختصر ترین وقت میں ٹائر تبدیل کرنے کا گنیز ورلڈ ریکارڈ قائم کردیا۔ بعد ازاں اتالوی جوڑی کو گنیز ورلڈ ریکارڈز کی جانب سے سر ٹیفکیٹ دیا گیا۔ اس سے قبل یہ ریکارڈ 1 منٹ اور 30 سیکنڈز میں مکمل کیا گیا تھا۔

موضوعات:عالمی ریکارڈ