فیصل آباد(آن لائن)مسلم لیگ(ن) کے قائد سابق وزیر اعظم میاں نواز شریف نے ملک بھر میں کارکنوں فعال اور متحرک کرنے کیلئے ہدایت کردی آج مسلم لیگ ن مسلم لیگ(ن) کے مرکزی سابق ایم این اے چوہدری شیر علی، سابق وفاقی وزیر چوہدری عابد شیر علی اور ایم پی اے

میاں طاہر جمیل کی قیادت میں میاں حمزہ شہباز شریف سے اظہار یکجہتی اور ملک بچاؤ کیلئے ریلی نکالی جائے گی، آن لائن کے مطابق ریلی ڈجکوٹ روڈ سے آغاز ہوگا شہرکے مختلف علاقوں سے ہوتے ہوئے گھنٹہ گھرچوک پہنچ گی یہاں پر سابق ایم این اے چوہدری شیر علی، سابق وفاقی وزیر چوہدری عابد شیر علیاوردیگر رہنماؤں خطاب کریں گے اس سلسلہ میں سابق وفاقی وزیر چوہدری عابد شیر علی نے کہا کہ ہم سیاست نہیں ریاست بچانے کیلئے نکلے ہیں،پاکستان کے ساتھ بہت ہوگئی اب اسے آگے چلنے دیں یہ کیسا ملک ہے کہ یہاں ملکی خدمت کرنیوالے شخص کو ملک بدر کردیاگیا اوران کے لوگ سر عام جھوٹے الزام اور کردار کشی کرتے ہیں لیکن خود پچھلے 4 سال سے صوبہ پنجاب کو ڈاکوؤں کے حوالے کیا ہوا تھا۔ فتنہ خان پاکستان کو خانہ جنگی کی طرف دھکیل رہاہے لہٰذاجو لوگ عدلیہ کوبرا بھلا کہتے ہیں ان کونہ صرف سخت سزا ہونی چاہیے بلکہ ہماری چیف جسٹس سے استدعا ہے کہ جو قانون ہم پر لاگو ہوئے وہی ان پر بھی لاگو ہونے چاہئیں۔ جو لوگ عدلیہ کو گالیاں دیتے ہیں انہیں پکڑنا اشد ضروری ہے کیونکہ قوم پہلے ہی مایوسی کا شکار ہے اسلئے خدارا اس میں مزید تفریق پیدا نہ کریں۔