لاہور (مانیٹرنگ ڈیسک) ق لیگ کے ووٹ مسترد کرنے کو ماہر قانون سلمان اکرم راجہ نے دھوکہ دہی قرار دے دیا، ماہر قانون نے اپنے ٹوئٹ میں کہا کہ تمام فریقوں نے آئینی عمل کو مذاق بنا رکھا ہے، تمام فریق آئینی عمل کو اپنے مفاد کے لئے اپنی مرضی سے توڑنا مروڑنا چاہتے ہیں، انہوں نے کہا کہ آئین اس وقت معنی خیز ہوتا ہے جب سیاست سے بالاتر ہو کر الفاظ اور روح پر عمل یقینی بنائیں، اپنے ایک اور ٹوئٹ میں انہوں نے کہاکہ پارٹی ہیڈ ارکان کو پارلیمانی پارٹی کے ووٹنگ کے فیصلے سے منع نہیں کر سکتا، اس حوالے سے آرٹیکل 63 اے واضح ہے، انہوں نے کہا کہ آئین کو توڑنا مروڑنا افسوسناک ہے مگر آج جو ہوا ہے وہ پاگل پن ہے۔