اسلام آباد(مانیٹرنگ ڈیسک/این این آئی )وزیرخزانہ مفتاح اسماعیل نے گھی اور تیل سستا ہونے کی خوشخبری سنادی۔نجی ٹی وی جیو کے مطابق

وزیر خزانہ مفتاح اسماعیل کی زیر صدارت اقتصادی رابطہ کمیٹی کا اجلاس ہوا جس میں عالمی سطح پر گھی اور تیل کی قیمتوں میں کمی پر غور کیا گیا۔

اس موقع پر مفتاح اسماعیل نے گھی اور تیل سستا ہونے کی خوشخبری سناتے ہوئے کہا کہ عالمی سطح پر گھی تیل کی قیمتیں کم ہونے سے پاکستان میں

جلد سو ڈیڑھ سو روپے کمی آئے گی، آٹا بھی سستا ہوگا۔اقتصادی رابطہ کمیٹی نے صنعتوں اور پاور پلانٹس کیلئے گیس کی قیمتوں میں کمی کی منظوری بھی دی۔

دوسری جانب وفاقی وزیر خزانہ مفتاح اسماعیل نے کہا ہے کہ سابق چیئرمین نیب جسٹس (ر) جاوید اقبال نے مجھے اور بہت سے لوگوں کو جھوٹے الزامات میں جیل بھیجا۔

اپنے بیان میں مفتاح اسماعیل نے کہا کہ جاوید اقبال آج انکوائری سے بھاگ رہا ہے۔وزیر خزانہ نے کہا کہ جاوید اقبال نے جس طرح متاثرہ خواتین کا فائدہ اٹھایا

وہ باعث شرم ہے، مجھے امید ہے کہ جاوید اقبال کو انصاف کا سامنا کرنا پڑے گا۔