راولپنڈی(آن لائن)شمالی وزیرستان میں سیکیورٹی فورسز اور دہشت گردوں کے درمیان فائرنگ کے تبادلے میں 7دہشت گرد ہلاک ہوگئے۔آئی ایس پی آر کے مطابق شمالی وزیرستان کے علاقے غلام خان کلی میں سیکیورٹی فورسز اور دہشت گردوں کے درمیان فائرنگ کے تبادلے میں 7دہشت گرد ہلاک ہوگئے ہیں۔مارے گئے دہشت گردوں کے قبضے سے اسلحہ اور گولہ بارود بھی برآمد ہوا۔مارے گئے دہشت گرد سیکورٹی فورسزپر حملوں سمیت دہشت گردانہ کارروائیوں میں سرگرم تھے۔فائرنگ کے تبادلے کے دوران سیکیورٹی فورسز کے دو اہلکار صوبیدار منیر حسین، حوالدار بابو خان نے جام شہادت نوش کیا۔علاقے سے دہشت گردوں کے خاتمے کیلئے سیکیورٹی فورسز کاکلیئرنس اپریشن جاری ہے۔